بیزیم آرواد
پندطنزآمیزباعنوان بیزیم آرواد.
آل باشيمي ديزاوستونه بيرآن بيزيم آرواد
دينديرئورگيم غمدن اولوب قان بيزيم آرواد
سن حوري غلمان كيمي بوجسمه نفس وئر
من هرنفس آلدوقجادييم جان بيزيم آرواد
مستانه گوزل گوزلروه مشتريم چوخ
اونداكه دوداخلاراولي خندان بيزيم آرواد
گل قاشلاروون آچ توخونون قوي گون آچلسين
اولسون ئورگيم سنله چراغان بيزيم آرواد
دنيانون اوقدرارزشي يوخدوراوناخاطر
بيردم اولاسان حالي پيريشان بيزيم آرواد
شيطانين آييق اول گوزليم وسوسه سيندن
تحريك ايليرخلقي فراوان، بيزيم آرواد
سن قاش قاباق اولسان منه دنيااولي زندان
انصاف ايله بومطلبي گل قان بيزيم آرواد
دل باغلامشام من سنه ،آرتيخ نه گناهيم
گوزله باشیما اسمیه طوفان بيزيم آرواد
بيرآزجامحبت سوورم سويگولي ياردان
آيابوگوناهدورسني قرآن بيزيم آرواد؟
دوش هرگیجه بسترده گون اورتایه کیمی یات
ظهر اولدواويان ويرايوه سهمان ،بيزيم آرواد
اوستوباشوا،اولماسازحمت بیر ال اوینات
آقاكه گلورايوده فريللان ،بيزيم آرواد
پيشوازايله خوش لحنيله لبخنديله شويون
سريرده اوناسفره ي الوان ،بيزيم آرواد
سن بیرجه قدم گل سنه من گللم اون آدديم
خوش نيته محتاجيدورانسان، بيزيم آرواد
گول قوي گول اوزوندن سينوه گوللرالنسين
قوي منده دييم گوزلره قوربان بيزيم آرواد
سن گلشن عمرومده منیم نازلی گولومسن
عطرون اولورهرسمتيدن افشان بيزيم آرواد.
دنياني گزه (مشدلي) تك ارتاپابيلمز
حتی یلیلن باغلیاپیمان بيزيم آرواد