تركي(بيزيم آرواد)
آل باشيمي ديزاوستونه بيرآن بيزيم آرواد
دينديرئورگيم غمدن اولوب قان بيزيم آرواد
سن حوري غلمان كيمي بوجسمه نفس وئر
من هرنفس آلدوقجادييم جان بيزيم آرواد
مستانه گوزل گوزلروه مشتريم چوخ
اونداكه دوداخلاراولي خندان بيزيم آرواد
ابرولروون آچ گرهين قوي گون آچلسين
اولسون ئورگيم سنله چراغان بيزيم آرواد
دنيانون اوقدرارزشي يوخدوراوناخاطر
بيردم اولاسان حالي پيريشان بيزيم آرواد
شيطانين آييق اول گوزليم وسوسه سيندن
تحريك ايليرخلقي فراوان، بيزيم آرواد
سن اخم الينده منه دنيااولي زندان
انصاف ايله بومطلبي گل قان بيزيم آرواد
دل باغلامشام من سنه ،آرتيخ نه گناهيم
هرگون اسوري باشيمه طوفان بيزيم آرواد
بيرآزجامحبت سوورم سويگولي ياردان
آيابوگوناهدورسني قرآن بيزيم آرواد؟
سن يات گيجه ني اون بيرصبحه كيمي دينجل
اون بيردن اويان ويرايوه سهمان ،بيزيم آرواد
گورايشلروي بيرده يتيش تيپ وجماله
آقاكه گلورايوده فريللان ،بيزيم آرواد
پيشوازايله خوش لحنيله لبخنديله شويون
سريرده اوناسفره ي الوان ،بيزيم آرواد
سن گل بيرآدديم سنه من گللم اون ادديم
خوش نيته محتاجيدورانسان، بيزيم آرواد
گول قوي يوزوندن سينوه گوللرالنسين
قوي منده دييم گوزلره قوربان بيزيم آرواد
سن گلشن عمرومده گل ياسمنيمسن
عطرون اولورهرسمتيدن افشان بيزيم آرواد.
دنياني گزه (مشدلي) تك ارتاپابيلمز
جن اولساویافرش سليمان بيزيم آرواد